సమ్మోహనాస్త్రము నీ సంస్కారము

ఉత్తేజితము ఉత్తుంగతరంగము నీ దరహాసము
కదిలిస్తుంది కరిగిస్తుంది కఠిన పాషానములను

తేజస్వితము తత్వమయము నీ నేత్రామ్రుతము
జ్యలింపచేస్తుంది జీవింపచేస్తుంది జీవశ్చవాలను

కర్ణామృతము కోమలసద్రుశ్యము నీ సంభాషనామ్రుతము
మురిపింపచేస్తుంది మైమరిపింపచేస్తుంది మూర్ఖశికామనులను

శక్తివంతము శతగ్నిసమానము నీ ఆలోచనామృతము
ప్రజ్వలింపచేస్తింది ప్రేరేపిస్తుంది నిరర్దకప్రభుద్దులను

విశ్వవిప్లవము విరూపాక్షము నీ విశాలహృదయము
దయచూపిస్తుంది దరిచేరుస్తుంది బాదాసర్పదస్టులను

వజ్రసమానము వేదవందితము నీ నిస్పక్షపాతతత్వము
కనువిప్పుకలిగిస్తుంది కల్లోలపెడుతుంది సంకుచిత స్వార్దపరులును

క్రమశిక్షనాబద్దము క్రియాశీలము నీ కర్తవ్యపాలనము
అబ్బురపరుస్తుంది ఆలోచింపచేస్తుంది సోమరి సోంబ్యేరులను

నిత్యనూతనము నవ్యవిప్లవము నీ నాయకత్వము
ప్రభావింపచేస్తుంది ప్రకాశింపచేస్తుంది మానసికప్రలోభులను

-------------------------------------ప్రభాకర రావు కోటపాటి

సంస్కరించే యోగికి స్వాగతము

ఒకప్పుడు తెలుగు సినిమా పాటలలో వ్యక్తిత్య వికాసము, విజ్ఞానము మరియు చక్కటి సాహిత్యము ఉండేవి. మంచిసంగీతము ఉన్న ఒక సినీ గీతానికి అర్దవంతమైన సాహిత్యాన్ని జోడించే ప్రయత్నమే ఈ పాట:

ఆమె:
రావోయి యోగి మమ్ కరుణించేయి రో
రావోయి యోగి మమ్ కదిలించేయి రో
రావోయి యోగి మమ్ రగిలించేయి రో
రావోయి యోగి నీతో నడిపించేయి రో
రావోయి యోగి నీతో నడిపించేయి రో

కోరస్ :
మేరా భరత్ హై సబ్సే మహాన్ హై
మేరా భరత్ హై సబ్సే మహాన్ హై
మేరా భరత్ హై సబ్సే మహాన్ హై
మేరా భరత్ హై సబ్సే మహాన్ హై

యోగి:
మీరంతా చేరి నాతో కలిసోస్తారా
మనమంతా కలిసి శక్తితో కదిలిపోదామా
ప్రజలంతా చూసి మనతో చేయుతనివ్వరా
దేశమంతా కూడి ప్రేమతో నర్తించదా

ఆమె:
రావోయి యోగి మమ్ కరుణించేయి రో
రావోయి యోగి మమ్ కదిలించేయి రో
రావోయి యోగి మమ్ రగిలించేయి రో
రావోయి యోగి నీతో నడిపించేయి రో

కోరస్ :
మేరా భరత్ హై సబ్సే మహాన్ హై
మేరా భరత్ హై సబ్సే మహాన్ హై

ఆమె:
జగమంతా నాయకులు ఉన్నా
ధనమంతా వాళ్ళకు ఉన్నా
నీ శక్తే వాళ్ళకు లేదయ్యో
మా ఉళ్ళో యువకులు ఉన్నా
వాళ్ళల్లో ధర్మం సున్నా
నీ వంటి వాడే లేడయ్యో

యోగి:
అమ్మో విశ్లేషిస్తూ స్నేహం పెంచావే
శ్రమే దైవమని ప్రభోదిస్తాలే

ఆమె:
వేగంగా మా వద్దకు వచ్చి
ప్రళయముగా మమ్ములను మార్చి
మా జీవితాలను నువ్వు తీర్చిదిద్దయ్యో రావయ్యో
భారతదేశం యువత మేము
ప్రజ్వలించే జ్యోతులం మేము
దారి చూపించి తీరం చేర్చయ్యో

రావోయి యోగి మమ్ కరుణించేయి రో
రావోయి యోగి మమ్ కదిలించేయి రో
రావోయి యోగి మమ్ రగిలించేయి రో
రావోయి యోగి నీతో నడిపించేయి రో

మా మనస్సులో అగ్నే ఉంది
దేశాన్ని నిర్మించమంది
మేమంతా కలిసి వస్తామయ్యో
మా బలహీనతలను జయించేస్తాం
సమాజభివ్రుద్ది కి తోడ్పడతాం
మంచి ఆశయాలు సాదిస్తామయ్యో

యోగి:
వినోదాలనే ఇక పక్కన పెట్టాలే
నవయువకులంతా మంచి మార్పు తేవాలే

ఆమె:
వేగంగా మా వద్దకు వచ్చి
ప్రళయముగా మమ్ములను మార్చి
మా జీవితాలను నువ్వు తీర్చిదిద్దయ్యో రావయ్యో
భారతదేశం యువత మేము
ప్రజ్వలించే జ్యోతులం మేము
దారి చూపించి తీరం చేర్చయ్యో

రావోయి యోగి మమ్ కరుణించేయి రో
రావోయి యోగి మమ్ కదిలించేయి రో
రావోయి యోగి మమ్ రగిలించేయి రో
రావోయి యోగి నీతో నడిపించేయి రో

------------------ప్రభాకర రావు కోటపాటి

మద్యపానము త్యజించు మార్గదర్శిగా మారు

ఇల్లు లేదు వళ్ళు లేదు సృహ లేదు
మునిగి పోయేవు కరిగి పోయేవు ఆవిరై పోయేవు
ఆ మత్తు చేసే గమ్మత్తు లో

ఉబ్బి పోయే కళ్ళు, ఉడికి పోయే నెత్తురు, వంకర్లు పోయే కాళ్ళు
కనిపించుటలేదు, వినిపించుటలేదు, అనిపించుటలేదు
ఆ మాయలాడి ఆడించే తైతక్క లో

ఆనందమనేవు, ఆహ్లాదమనేవు, అద్బుతమనేవు
విలాసాలలో, విందులలో, విశేషాలలో
ఆ క్షీణకారి ప్రతిభింబించే క్షణ బంగురములో

తరిగిపోతున్న విలువలు, మారిపోతున్న సంస్కృతులు, దారిద్ర్యరేఖ దిగువన ప్రజలు
మరచి పోతున్నావు, పెడచెవిన పెడుతున్నావు, నిర్లక్ష్యము చేస్తున్నావు
ఆ మహమ్మారి కలిగించే గిలిగింతలలో

సరికొత్త సాంప్రదాయమంటావు, నవయుగమంటావు, నూతన జీవనశైలి అంటావు
స్వీయ క్రమశిక్షణ పోయింది, నిగ్రహశక్తి పోయింది, స్వీయ నాయకత్వము పోయింది
ఆ విషద్రవము ప్రేరేపించే వెంపర్లాటలో

ప్రశాంతత కోసమని, దేహబాదల కోసమని, ప్రభుత్వ పన్ను కోసమని
భ్రమ పొందేవు, ప్రలోభ పొందేవు, వాహన ప్రమాదములు పొందేవు
ఆ జ్వాలాముఖి చూపించే ఎండమావులలో

సేవద్రుక్పదము క్రుశించింది, సామాజికబాద్యత క్రుశించింది, గురుశిష్యపరంపర క్రుశించింది
సోమరితనము హెచ్చింది, లంచగొండితనము హెచ్చింది, పరహింస హెచ్చింది
ఆ దుర్వాసనాపూరిత సృజించే శోకసాగరములో

కాలహింసతో, కుటుంబహింసతో, శారీరకహింసతో
కొనసాగించేవు, రగిలించేవు, క్షీణించేవు
ఆ ప్రాణహరిని ప్రకోపింపచేసే విలయతాండవములో

అందుకే.................................................
ఆగు, ఆలోచించు, విశ్లేషించు, శోధించు, సాధించు.......

ఆ మాయదారి మద్యపానమును త్యజించి...............

భావిపౌరులకు మార్గదర్శిగా మారు..........


----------------------------------ప్రభాకర రావు కోటపాటి

నిజమైన నాయకుడివి కావాలంటే

జీవించు కర్తవ్యముకొరకు నిరంతరదీక్షతో
కనిపించు శక్తితోకూడిన దరహాసముతో
సృజించు ఉన్నతమైన ఆలోచనలతో
ప్రయాణించు ప్రస్ఫుటమైన లక్ష్యముతో
కస్టించు నిగూఢమైన పరమార్ధముతో
నిర్మించు నీసాంగత్యాన్ని అద్భుతశక్తితో
దయచూపించు ప్రజలపై ప్రేమానురాగాలతో
కురిపించు నీపరిచయస్తులపై హస్యపుజల్లులతో
మరపించు పారదర్సకమైన వ్యక్తిత్యముతో
కదిలించు కష్టకాలములో ఓర్మిబలముతో

ఈ అద్భుత గుణ సమన్వితమే నాయకత్వము

---------------------------ప్రభాకర రావు కోటపాటి

మహిమాన్వితమైనది నీ సంకల్ప శక్తి

మహిమాన్వితమైనది నీ సంకల్ప శక్తి

నిలిపిఉంచు దానిని అసామాన్య లక్ష్యములలో
ప్రయత్నించు వాటిని నెరవేర్చే దిశలలో
కలిసివస్తాయి నీ కొరకు అద్భుత శక్తులు
విస్తరిస్తాయి సర్వదిశలందు నీ మనోశక్తులు
సహకరిస్తాయి నీ అంతర్గత పంచభూతాలు
తెలిసి వస్తాయి నీ నిద్రాణ ఆనంద గనులు
ఆశ్చర్య పరుస్తాయి నీ కోసము నెరవేరే కార్యక్రమాలు
కరిగి పోతాయి నీ లోని అనుమానపు పొరలు
గుర్తిస్తావు నీ మహిమాన్విత కార్య నిర్వహణా దక్షతలు
సాధిస్తావు నీవు తలపెట్టిన మహోన్నత ఆశయాలు

మహర్షి పతంజలి సూక్తి కి తెలుగు స్వేచ్చానువాదము: ప్రభాకర రావు కోటపాటి

మిత్రమా నీ సాంగత్యము అపురూపము

దివ్య లక్షణ సమన్విత మిత్రమా నీ సాంగత్యము అపురూపము ఆనంద మకరంద సందోహము

నీ సుందర వదనము కనిపిస్తుంది నిండు చందామామ లా
నీ సుమధుర పలుకరింపు వినిపిస్తుంది సెలయేరు సవ్వడి లా
నీ కనుల కదలిక అగుపిస్తుంది కరుణా సముద్రము లా
నీ దరహాసము ప్రసరిస్తుంది పూల గుభాలింపు లా
నీ సంభాషణ సాగుతుంది వీణానాదము లా
నీ చిరునవ్వు గోచరిస్తుంది ఇంద్రధనుస్సు లా
నీ నవ్వుల జల్లు కురిపిస్తుంది పరిమళ విరిజల్లు లా
నీ సత్ప్రవర్తన స్మరింపచేస్తుంది నిర్మల జ్యోతి లా
నీ నిస్వార్ద సేవ తలపింపచేస్తుంది దైవసన్నిది లా
నీ వినయ విదేయత స్పురిస్తుంది ముద్దమందారము లా
నీ నిత్య సంతుస్టత విస్తరిస్తుంది నిండు మేఘము లా
నీ స్థిత ప్రజ్ఞత పనిచేస్తుంది దివ్వఔషదము లా
నీ విశాల దృక్పధము మురిపింపచేస్తుంది మాతృ ప్రేమ లా
నీ పవిత్ర సంకలృము ప్రోత్సహిస్తుంది వినూత్న ఉత్తేజము లా
నీ విషయ వివరణ సాగుతుంది అమరగానము లా
నీ చైతన్య స్ఫూర్తి చేయుతనిస్తుంది ఉద్దేపన శక్తి లా
నీ సౌశీల్య ప్రవృత్తి ఊరటనిస్తుంది అమృత వర్షిని లా
నీ నిష్కల్మష నడవడి దర్శింపచేస్తుంది మహోన్నతశిఖరము లా
నీ సహనసంస్కారము ప్రకాశిస్తుంది సూర్యబింబము లా
నీ ప్రేమార్ద్ర హృదయము మారుస్తుంది ఈ భూమిని స్వర్గము లా

అందుకే సంబ్రమాశ్చర్య సంజనితము మన పరిచయము

--ప్రభాకర రావు కోటపాటి

భారతీయుడా రక్షించు నీ ఘన కీర్తిని

సనాతన యుక్తము శక్తి యుక్తము సాంప్రదాయ యుక్తము ఈ భారతావని
యోగ భూమి ధర్మ భూమి త్యాగ భూమి నిర్మల భూమి ఈ ద్రుమదళ శోబిని
ఓ భారతీయుడా తెలుసుకో రక్షించు నీ అద్భత ఘన కీర్తిని

చతుసహస్ర వత్సరముల వెనుక ఉద్భవించినది యోగ శాస్త్రము ఈ మలయజ శీతల ప్రదేశమందు
రోగ నివారణమైన యోగ సాధన మరచి బానిసగా మారితివి నక్షత్ర వైద్యశాల యందు
విశ్వాస యుక్తుడవై యోగ విద్యను నిత్యము అవలంభించి మునిగి తేలు ఆనందమందు

నిగ్రహమూర్తులకు, విలక్షనవిసారధులకు ఏకాగ్రత సంపన్నులకు నిలయము ఈ భూవలయ దేవాలయము
గర్భగుడి లోనికి ప్రవేశించి వికృత ఘీంకార విన్యాసాలతో నర్తిస్తున్నాయి ధూమపానము మరియు మద్యపానము
ఈ జంట భూతాలను తుత్తునియలు గావించి వాటిపై ఆదిక్యతను సంపాదించి పెంపొందించు ఆరోగ్య శరీరము

ప్రకృతి జీవనము పాటించి ఆనంద సమేతముగా శాతాదిక్యము గా జీవించిరి ఈ సస్యశామలమందు
రోగ కారక బక్ష్యాలతో, అసహజ సంయుక్త ఆహారముతో, శక్తి నసించిపోవు చున్నది నీ దేహమందు
అమృతాహారము, సహజాహారము యుక్తాహారము సేవించి పెంపొందించు అమృత శక్తీ జీవనమందు

సుస్వరాల సంగీతము, సంబ్రమాశ్చర్యకారక నృత్య హేలలకు, సంఖ్యకు అందని కళలకు కాణాచి ఈ రస రంజని
విపరీత ధోరణితో, వికృత చేష్టలతో, అర్దరహితముతో, కర్ణ కఠోర విదేశీ సంగీతముతో నాసనమైనది నీ శ్రవణ భంజని
శాస్త్రీయ సంగీతముతో, నయనానందకర నటరాజ కదంబము తో చిగురింప చేయి నీ మనో రంజని

సిరి సంపదలతో ధన దాన్యములతో అనంత ఆహార దాన్యములతో విలసిల్లినది ఈ అన్నపూర్ణ
కూడు లేక గుడ్డ లేక గూడు లేక విద్య లేక విజ్ఞానము లేక అలమటించు చుంటిరి నీ సోదర పూర్ణ
మానవత్వాన్ని ప్రదర్శించి సమగ్ర సంస్కరణలకు శ్రీకారము చుట్టి నెలకొల్పు సమ సమాజ పరిపూర్ణ

విజ్ఞాన శాస్త్రవేత్తలతో నిర్మాణ నిపుణులతో సృజనాత్మక సుప్రసిద్దులతో ప్రసిద్ది చెందినది మహోజ్వలమూర్తి
పాశాత్య ఉత్పత్తులకు బానిసలై ఆత్మాభిమానము నశించి క్రొత్త దనము లేక సోమరులైరి అఖిల జనావర్తి
ఉత్తేజాన్ని నింపి ఆలోచన నెలకొల్పి పరిశోధనలు చేసి శోధించి సాధించు పారిశ్రామిక ప్రపంచ కీర్తి

ధర్మదక్షులు నిజాయితీ నిబద్దులు ప్రజారంజక ప్రభువులు పాలించిరి ఈ భాగ్యవిధాత ను

సుద్ద సుంఠలు నిరక్షర నిరర్దకులు కర్కోటకులు కొందరు ఆక్రమించిరి అధికారము ను

విశ్లేషనాత్మక విజ్ఞానముతో ప్రజ్వలించే ప్రజాస్వామ్యము తో ఎంపిక చేయి భారత నాయకత్వమును

సకలకళా సంసిద్దులను వివేక విదురులను సరస్వతీ స్వరూపులను కన్నది ఈ జగజ్జనని

విచక్షణా విహీనులకు అక్షర శూన్యులకు మానసిక వికలాంగులకు నిలయమైనది ఈ సుందరావని

అక్షర దీపము వెలిగించి సర్వోదయ విద్యను ప్రోత్సాహించి నిర్మించు జన రంజక భారతావని

స్వీయ సాదికారత్వముతో పాడిపంటలతో ఐకమత్యబలము తో నడిచినది ఈ ఉచ్చల జలధి తరంగ

కీచులాట పోరాటములకు స్వార్ధపరుల అసూయలకు అసాంఘీక శక్తులకు ఆశ్రయమైనది ఘోరము గా

దేశ క్షేమమే పరమావధి గా స్వార్ద రాజకీయాలకు అతీతంగా రూపొందించు భారత దేశాన్ని విశ్వ విఖ్యాత అధినేత గా

ప్రభాకర్ రావు కోటపాటి