ఆవేశం నాది ఆకాంక్ష నాది

ఆవేశం నాది ఆకాంక్ష నాది ఆరోగ్య ప్రపంచాన్ని క్రమశిక్షణ ద్యారా నిర్మించాలని

ప్రయాస నాది ప్రయోగం నాది ప్రేరణాశక్తిని ప్రతి మనిషిలో అణువణువున నింపాలని

తలపు నాది తరగని తహ తహ నాది చెడు అలవాట్లను సమాజం నుండి వేరిపారేయాలని

ఊహ నాది ఉప్పెన లాంటి కల నాది గ్రామ స్వరాజ్యాన్ని భారతదేశములో నెలకొల్పాలని

పరుగు నాది పట్టుదల నాది భాధ్యత కలిగిన త్యాగధనులైన యువతను తయారు చేయాలని

వినియోగిస్తాను నా విద్యాసంపదను ఈ విధి నిర్వహణలో

త్రవ్వితీస్తాను నా తార్కిక శక్తిని ఈ ప్రణాలికల రచనతో

మలుచుకొంటాను నా మేధాశక్తిని ఈ నిరంతర నిర్మాణములో

గడిపివేస్తాను నా జీవిత సమస్తాన్ని ఈ సదాశయాల సాధనలో

స్వార్దమే పరమావధిగా సమస్త కార్యములు సాగిస్తున్నారు ప్రజలు

క్షణికానందమే శాశ్వతంగా భావించి బరితెగిస్తున్నారు భావి పౌరులు

పనికి రాని వస్తువులను పవిత్రంగా వినియోగిస్తున్నారు విలాసపురుషులు

వలసల ప్రయాణాలతో నిర్జన ప్రదేశాలుగా మారుతున్నాయి సగటు గ్రామాలు

సాగరాదు ఈ విలయంవైపు ప్రయాణాలు

నడువరాదు ఆ వినాశనకర విదానాలు

గెలువరాదు ఈ అక్రమ మార్గాల అనుచరులు

కనుమరుగై పోరాదు సశ్యశ్యామలమైన గ్రామాలు

ఆవేశం నాది ఆకాంక్ష నాది ఆరోగ్య ప్రపంచాన్ని క్రమశిక్షణ ద్యారా నిర్మించాలని

                                         ------ప్రభాకర రావు కోటపాటి

మానవత్వమే మతముగా జీవించు

మానవత్వమే మతముగా జీవించు

ఐకమత్యమే బలమని భావించు

తోటి మనిషిని హింసించి పూజించేవి పూజలా

నీ సోదరుని నిర్జించి నిలపెట్టేవి నీతులా

కావు కావు అవి ఎన్నటికి సాగలేవు

అహింస ఆదరణ ఆప్యాతలే అయన స్వరూపాలు

సామరస్యం సహ్రుదయం సేవాభావాలే దేవుని చేరే మార్గాలు

మాయ కాకు మోసపోకు మతొన్మాదుల ప్రలోభాలకు

రసమయం రాగయుక్తం రహస్యసహితం అయన సృష్ఠి

ప్రేమమయం ప్రకాశయుక్తం ప్రేరణపూరితం దేవుని ప్రవృత్తి

సాద్యమా సత్యమా ఇన్నిరకాల మతాలు

నిరాకారుడు నిరంతర శక్తి స్వరూపుడు నిర్వహకుడు ఆ పరమాత్మ

కరుణామయుడు కాంతికారకుడు కళాకారుడు ఆ దైవాత్మ

ప్రేరేపిస్తాడా ప్రొత్సాహిస్తాడా హింసకొరకు....

అసాధ్యం అసంభవం......

మనిషిని గౌరవించటమే మతం

మానవత్వం ఆవిష్కరించటమే ఆ దేవుని అభిమతం

అన్నిమతాలకు అధినేత ఒక్కడే...

అన్ని పూజలకు స్వీకరించేది ఆయనే

విసర్జించు విభేదాలను....

సాధించు సర్వమానవ సమైక్యతను!!!!!

                                         ------ప్రభాకర రావు కోటపాటి

మానవ సేవే మాధవ సేవ

గుర్తించాలి నీవు సమాజములోన అంతర్భాగముగా
అధ్యయనంచేయాలి సామాజిక సమస్యలను నిగూఢముగా
ప్రయత్నించాలి గ్రామసమస్యలను పరిష్కరించే దిశగా
నడిపించాలి నీతోటివారిని అభివ్రుద్దిపదములో భాగముగా


కలిగిఉండాలి సేవాభావమును ఉత్తమమానవీయ లక్షణముగా
మరిచిపోవాలి ధనసంపాదనను ప్రాదమికలక్ష్యముగా
వెలిగించాలి నీవిఙ్ఞానశక్తులను భాదితులదిశానిర్దేశాలుగా
పెంపొందించాలి వ్రుక్షజాతిని విస్త్రుతముగా


పరివర్తనచేయాలి నీవ్యక్తిత్వబలమును ఒకసమ్మోహనశక్తిగా
భావించాలి నీతోటివారిసమస్యలను నీభాద్యతగా
కదలాలి ఏకాగ్రచిత్తమున సేవాసైనికునిగా
ప్రేరేపించాలి సోమరిపోతులను లక్ష్యబద్దజీవులుగా


రూపొందించాలి అభివ్రుద్దిప్రణాలికలను నిశితముగా
ప్రేమించాలి సర్వజనసమూహములను సోదరసమానముగా
తీర్చిదిద్దాలి యువకులను సమసమాజనాయకులుగా
జీవించాలి మానవసేవయే మాధవసేవగా


                              ------ప్రభాకర రావు కోటపాటి

సంరక్షించు నీ తోటి మానవులను

కాలం కాని కాలం లొ కాలసర్పాలను పోలిన వర్షాలు
పొరలి పొంగి ప్రళయంలా ప్రవహంచిన నదులు
మునిగి మగ్గి మ్రుత్యుభాదతొ మనస్సు చలించిన భాదితులు
చెదరిపొయి చేయలేక చేతగాక చేస్టలుడిగిన ప్రజలు
జీవులను జీవితాలను జనావాసాలను జలదరింపచేసిన జలప్రళయం


వీక్షించి విలవిలలాడి విరాలాలిచ్చిన కార్పోరేట్ సంస్థల ఉద్యోగులు
సందర్శించి సమీక్షించి సహకరించిన నిర్వాహకులు
తరలివచ్చి తమదర్మాన్నిపాటించిన త్యాగధనులైన యువకులు
సమయాన్ని వెచ్చించి స్వార్దరహితముగా సేవలుచెసిన స్వచ్చందసేవకులు
పర్యవేక్షించి ప్రతిక్షణము పొత్సాహించిన దిశానిర్దేశకులు



అనుకోని ఆప్తులను వస్తువులను చూసి ఆశ్చర్యముతో ఆనందపరవసులైన వరదభాదితులు
సంచి మరియు పుస్తకాలను చూసి సంబరముతో స్పూర్తిపొందిన పాఠశాల విద్యార్దులు
ఉదార సహాయముతో ఊరటతో ఉపశమనము పొందిన బాధా సర్పదస్టులు
నడచివచ్చిన నాయకులనుచూసి నమ్మకము పొందిన భావిపౌరులు
సమూహముగావచ్చిన సొదరప్రేమనుచూసి స్వాంతనపొందిన అన్నదాతలు


కనిపించాయి కర్రలతోకట్టి చీరలు కప్పిన నివాసాలు
సాక్షాత్కరించాయి పిల్లలు రాక మూతపడిన పాఠశాలలు
దర్శనమిచ్చాయి నీరుప్రవహించి కోసుకుపోయిన రహదారులు
స్వాగతమిచ్చాయి మేటవేసి నేలకొరిగిన పొలాలు
సాక్షమిచ్చాయి వరదవుద్రుతికి కూలిపొయిన వ్రుక్షాలు




సహాయకుల ఆదరణకు చెమ్మగిల్లాయి వయోవ్రుద్దుల కళ్ళు
సేవకుల సహాయాన్ని పొగిడాయి భాదితుల నొళ్ళు
దాతల బహుమానాలకు నర్తించాయి పిల్లల కాళ్ళు
విరాళాల ఇంటిసామానులకు పండుగ జరిపాయి ప్రజల ఇల్లు
కార్పోరేట్ సంస్థల కొరకు వినిపించాయి పొగడ్తల జల్లు

చాలాఉంది చేయవలసినది......



నిర్మించాలి నిలపెట్టాలి నివాసాలను
ప్రారంబించాలి ప్రోత్సాహించాలి పాఠశాలలను
ప్రణాలికవేయాలి పటిష్టముచేయాలి రహదారులను
విద్యనందించాలి వివేకులనుచేయాలి ప్రజలను
దారిచుపాలి ధైర్యమివ్వాలి భావిపౌరులకు

                                       --ఫ్రభాకర రావు కోటపాటి

యువకులకు స్పూర్తి భగత్ సింగ్ (September 27, 1907 – March 23, 1931)

పాల్గొన్నావు పదిహేడేళ్ళ ప్రాయాన సహాయ నిరాకరణ ఉద్యమమందు 
నిలిచావు లాలాలజపతిరాయి సరసన సైమన్ కమీషన్ నిరసనందు
అమలుపరిచావు ఆంగ్లపాలకుల భాహిష్కరణ పధకాలను వీర ఉద్వేగమందు
గడిపావు జైలు జీవితాన్ని దేశమాత విముక్తి ప్రేరణయందు  


మారలేదు  నీ ఆత్మవిశ్వాసము ప్రతికూల పరిస్తితులందు
వీడలేదు నీ స్వాతంత్రావేశము ముష్కరుల ప్రలోభమందు
చెదరలేదు నీ ధీరోదాత్తము నియంతల రక్త దాహమందు 
కదలలేదు నీ విప్లవసామర్ధ్యము దుర్భలుల దురాఘాతమందు


నీ కన్నులు కన్నాయి దేశఉజ్యలభవిష్యత్తు కలలలో
నీ ఉహాలు ఊగాయి స్వేచ్చాభారత విహంగాలలో  
నీ మాటలు సాగాయి ఉత్ప్రేరిత తరంగాలలో
నీ రచనలు రాసాయి ప్రజ్యలిత ప్రకరాణాలలో


జాతి కోసము పని చేసావు ప్రానాంకిత భావనతో  
దేశముకోసము కదిలి సాగావు క్రియాశీల త్రికరణశుద్ధితో  
ప్రజలకోసము జ్వలింప చేసావు మార్గదర్శకమైన ఆత్మశక్తితో
ఉజ్వలభారతికోసము ప్రాణాలు అర్పించావు ఇరవైమూడేల్లప్రాయముతో 


నీవు  దర్శించిన ఆ స్వేచ్చా భారతి ఆవిష్కరించపడింది......కానీ......పెరుగుతోంది.........


మానశిక ప్రలోభులైన యువత
దుర్వ్యసనాల అశ్రితులైన నవరక్తం
ర్యాగింగ్ పిపాసులైన విద్యార్ధిలోకం
యాసిడ్ దారులైన రాక్షసలోకం


అమలు జరుగుతున్నాయి........


లక్ష్యరహిత జీవన విధానాలు
పాశ్చాత్య సంస్కృతి బానిసతత్వాలు
నిరంతర వినోదపూరిత  వికృత చేష్టలు
సోదర సోదరీ పీడిత స్వార్ధ భరిత ప్రణాలికలు


ఓ వీరకిశోరమా ఆవహించి కరుణను కల్గించు ఆ ఉన్మాదులలో 
ఓ భారతరత్నమా ప్రసరించి ప్రేమను ప్రేరేపించు ఆ ప్రభుద్దులలో 
ఓ  యువచైతన్యమా సంరక్షించి సేవను సంస్కరించు ఆ కీచకులలో
ఓ ఉత్తేజితతరంగమా జ్వలించి వెలుగును వెదజల్లు ఆ అధములలో 

వెళ్ళిపోయారు ఆంగ్లేయులు........వదలిపోలేదు సోమరితనము
కదలిపోయారు సామ్రాజ్యవాదులు........సమసిపోలేదు వ్యక్తిగతబలహీనతలు  


అందుకే........ఆవహించు....నడిపించు....రగిలించు....కదిలించు....యువతను.....


వ్యక్తి అభివృద్ధి.... దేశభక్తి.... లక్ష్యసిద్ది....విచక్షణాశక్తి ....ప్రాతిపదికగా.....నడిచే......

రెండవ భారత జాతీయోద్యమము వైపు..................



                                                                        ------ప్రభాకర రావు కోటపాటి

పరిత్యజించవలసిన పదహారు దురలవాట్లు

పొందేవు పొగత్రాగి పరమానంద డోలికలు
గుర్తించకున్నావు గుప్తంగా శరీరమందు చీలికలు

మునిగిపోయేవు మధ్యమందు తేలియాడి తెలియనిలోకాలలో
తెలుసుకోలేవు తీవ్రంగాజరిగే కర్కశకోత కణజాలములలో

ఆస్వాదించేవు అతిరుచిప్రాదాన్య ఆహారమును సర్వమనేభావనలో
ఆహ్వానిస్తున్నావు అనారోగ్యాన్ని అనాలోచిత ఆనందాన్వేషణలో

కోరిచూసేవు కాలక్షేపముగా హింస కామపూరిత చిత్రములను
మరచిపోయేవు మానసికముగా దహించుకుపోయే దురాలోచనలను

విహారముచేసేవు విందులతో వినోదాలతో జీవితకాలాన్ని
జీర్నించుకోలేకున్నావు జీవన గమ్యరాహిత్యము లక్ష్యలేమిల నిర్జీవసామ్యాన్ని

వేర్రులుచాచేవు విలాసభారిత అవసరాలకొరకు ధనార్జనదారులందు
మునిగిపోతున్నావు మార్గరహితముగా ఉండిపోతున్నావు అప్పులవూబులందు

జీవనం సాగించేవు నిర్లక్ష్యముగా సోమరితనముతో బద్దకప్రపంచములో
ప్రయాణిస్తున్నావు అనాలోచితముగా అంధకారభూయిష్ట నిశ్రుహప్రపంచములో

కాలక్షేపముచేసేవు కాలహింసతో భావించి కాలము విలువలేని వస్తువని
విలువకట్టలేకున్నావు ఒక ఘడియ తిరిగిరాని సంపాదించలేని వజ్రసమానమని

బ్రమించేవు కులప్రీతి పరమతద్వేషములను ఘనకార్యయుక్తమని
విస్మరిస్తున్నావు సమైక్యత స్నేహపూరితసమాజము అభివృద్దికారకమని

అర్రులుచాచేవు అక్రమసంపాదన లంచములకోరకు స్వార్ధమే ధ్యేయమని
కానకున్నావు అది కాలసర్పమై సమస్తప్రజలను హరించివేస్తుందని

చొరబడి చొచ్చుకొని సాగేవు అడ్డదారులలో తాత్కాలిక లాభార్జన వృత్తి ధర్మమని
అర్ధముచేసుకోలేకున్నావు పరులసేవలో ఆనంద పారవశ్యం పొందగలవని


కొనసాగించేవు అబద్దము అవినీతి అసూయద్వేషాలతో అనుక్షణ సహజీవనము
త్యజిస్తున్నావు విశ్వాసము నిజాయితి సంప్రాప్తింప చేసే అనంత ఐశ్వర్య సర్వస్వము


మోహించేవు అహంభావము ఆవేశములను అద్భుత అలంకారములుగా
చూడలేకున్నావు అనుభందము అత్మీయతలను వ్యక్తిత్వశోభిత జ్యోతులుగా


ప్రతిభాశాలిగా విర్రవీగేవు విశ్వవిజ్ఞానిగా అప్రయోజకపఠనముచేసి అజ్ఞానముతో
అస్వాధించలేకున్నావు నిరంతర విద్యార్థిగా అనంత శాస్త్రరహస్యాలను వినయముతో

అభివర్నించేవు పవిత్రప్రేమగా ఆకర్షణ ఆత్మవంచనలకు ఆదిపీఠము వేసి అద్భుతముగా
చేరుకోలేకున్నావు శాశ్వత ప్రేమను మానసిక సౌందర్యాలను అంతర్గత విలువల ఆధారముగా


పొంగిపోయేవు విదేశీ సంస్కృతి విచ్చలవిడితనముతో సర్వస్వతంత్ర జీవన మాధుర్యమని
పొందజాలకున్నావు భరత సంస్కృతి మాత్రువాత్సల్యముతో సంరక్షించి నీకై దాచిన విజ్ఞానగని

పరిత్యజించు ఈ పదహారు దురలవాట్లను నిస్సందేహముగా
పరివర్తనచెందు క్రియాశీల దేశభక్తి సంపన్న సమాహారముగా





                                                                                                ----ప్రభాకర రావు కోటపాటి

జీవించటము అంటే......

నీవలన చిరునవ్వుపొందిన మోములు
నీవలన ఆనందమయమైన మనస్సులు
నీవలన గమ్యముదొరికిన మనుషులు
నీవలన విజ్ఞానవంతమైన జనులు

దానినే అంటారు జీవించటము......

నీ రాక కోసము ఎదురుచూసే చూపులు
నీ మాట కోసము రిక్కించిఉండే చెవులు
నీ శ్రేయస్సు కోసము ప్రార్దించే చేతులు
నీ విజయాల కోసము కలలుకనే కన్నులు

దానినే అంటారు జీవించటము......

ప్రామాణికాలుగా మారిన నీ జీవిత సంఘటనలు
విలువలుగా మారిన నీ వ్యక్తిగత సూత్రాలు
మార్గదర్శకముగా మారిన నీ నియమబద్ద నిర్ణయాలు
పరిశోదనలుగా మారిన నీ పరిష్కార ప్రభోదనలు

దానినే అంటారు జీవించటము......

వెంటరావు ఆస్తుల కోసము మన వెంపర్లాటలు
కలసిరావు ధనము కోసము మన కర్కోటకాలు
నడచిరావు కీర్తి కోసము మన నానాపాట్లు
తోడురావు కోరికల కోసము మన తత్తరపాట్లు

మనం మార్చిన పరిస్థితులు మనం కూర్చిన సిద్దాంతాలు
మనం దిద్దిన జీవితాలు మనం ఇచ్చిన ఉత్పత్తులు
మనం చేసిన మంచిపనులు మనం ఓదార్చిన హృదయాలు
మనం నిలపెట్టిన నిజాలు మనం పంచిన ప్రేమలు

అవే మనకు మిగిలేది అవే మనతో వచ్చేది
అవే మనకు దక్కేది అవే మనతో నిలబడేవి
అవే మనకు సంత్రుప్తులు అవే మన ఆనందాలు
అవే శాశ్వత సత్యాలు అవే నిరంతర నిక్షేపాలు

ఇదే మానవ జీవిత సారం......
దానినే అంటారు జీవించటము......

---- ప్రభాకర రావు కోటపాటి