అమూల్యమైన వరం..నీ జీవితం..సార్ధకం చేసుకో..

కదులు కదులు కదులు ముందుకు..

అడ్డు గోడల నడ్డి విరిచి కదులు ముందుకు..

క్షణ క్షణం అను క్షణం నీ కదలిక వరం నీకు..

అంతం చేసు కొనే హక్కు అసలు లేదు నీకు..

సమయం తీరే వరకు పోరాడు సమస్యలతో..

మెదడుకు పదును పెట్టి చూడు తెలివితో..

కొత్త దారులు కోసం వెతికి చూడు నమ్మకంతో

ప్రాణం ప్రకృతి ప్రసాదం  సంపూర్ణం చేసుకో..

కమ్మిన మబ్బు వెనుక సూర్యోదయం చూడు

పగిలినఅద్దంలో వేలల్లో నీ ప్రతిబింబం చూడు

కొండలు గుట్టల దారి అవల నీ గమ్యం చూడు

ఎన్ని కష్ట నష్టాలు ఎదురైనా అనుకున్నది అందుకో

ఒంటరివి కావు నీవు.. ఊహ కందని ఉప్పెనవు

బలహీనుడివి కాదు నీవు..భగ భగ మండే ఆగ్నివి

నిరాశకు సొత్తువు కాదు నీవు.. ఆశా కిరణానివి

పిరికిపందవు కావు నీవు..గెలిచే వీర సైనికుడివి 

తల విదిలించి చూడు..అవిగో  వేల అవకాశాలు 

కళ్ళు తెరచి చూడు.. నలు దిక్కులా రహదారులు

చిత్తశుద్ధితో ప్రయత్నించు..నాయకునిలా జీవించు..

అమూల్యమైన వరం..నీ జీవితం..సార్ధకం చేసుకో..

       - ప్రభాకర రావు కోటపాటి

          6 - డిసెంబర్ - 2022