అమృతాన్ని అందించే జలధార కాపాడుదాం

చిరుజల్లుకు చిందేను చిరునవ్వులు

విరిజల్లుకు వళ్ళంతా వీణానాధాలు 

జడివానకు నదులన్నీ పొంగిపారేను

జోరువానకు జగమంతా జలధారలు

తొలకరి కోసం ఎదురుచూసే రైతు సంబరాలు

ఎండిపోయిన వాగు వంకలకు కొత్త కళలు

నిండిన చెఱువుల నుండి కప్పల బెక బెకలు

రాలిన చెట్లకు సరి కొత్త పచ్చని లేత ఆకులు

మనుషులుచేసిన మలినాలను కడిగేను వాన

సిరి మల్లెలు నింగి నుండి విసిరేను చినుకులు

సెలయేటి గలగలల కు ఇందనం ఈ వర్షాలు

మేఘాలపై స్వారీచేస్తూ సాగేను నీటిబారులు

చిటపట చినుకులు అంతులేని అద్బుతం

నీరు లేని జీవితాలు ఊహకందని ఉత్పాతం 

మానవ తప్పిదాలకు భూమి నీరు లేని ఎడారి

వరుణుని జాడ లేక దిక్కులు అగ్నిగుండాలు

ప్రకృతిని పాడుచేసే ప్రతిపని బహిష్కరిద్ధామ్ 

అమృతాన్ని అందించే జలధార కాపాడుదాం 

      - ప్రభాకర రావు కోటపాటి

              25 జూన్ 2022