మారిపోతున్న పాత పద్దతిని మార్చుకో
చేసే పని మీద శ్రద్దతో శిఖరాగ్రాన్ని చేరుకో
నీ తెలివి తేటలను తరచి తరచి తెలుసుకో
సాధించి నిలిచిన విజేతలతో స్నేహం పెంచుకో
పెద్దపెద్ద కలలుకను అడుగు అడుగుగా అందుకో
ఎలా జన్మించావుకంటే ఎలా జీవించావో ముఖ్యం
ఎంతటి నిష్టూరమైనా నిజాన్ని పలకటం ముఖ్యం
ఏదైనా సాధించాలి అంటే నిరంతర కృషి ముఖ్యం
ఎల్లలులేని ఆనందానికి సుజనులస్నేహంముఖ్యం
వేల వేల వాగ్దానాల కన్నా చిన్న ఆచరణ ముఖ్యం
నీ శక్తియుక్తుల ఆత్మ పరిశీలన గెలుపుకు శ్రీకారం
నీ పరిశోధన సృజన స్పూర్తి అభివృద్ధికి మూలం
నీతో పని చేసే వారి గెలుపు నీ గెలుపుకు ఆధారం
నీ పోరాటపటిమ చిత్తశుద్ది అందిస్తుంది విజయం
కణ కణం రణ ఉత్తేజం రగలటమే కర్మ యోగం
తప్పు సహజం కానీ మరలాచేయటం మూర్ఖత్వం
క్రిందపడ్డా బంతిలా ఎగరటం అత్యంత ఆవస్యకం
నమ్మిన నిజం కోసం ఒంటరిగా సాగించు గమనం
అవదులను కూల్చి కదలటమే శాశ్వతపరిష్కారం
క్షణక్షణం జనుల హిత వర్తనమే జీవన సాఫల్యం
- ప్రభాకర రావు కోటపాటి
5 డిసెంబరు 2021
No comments:
Post a Comment