మర్చిపోవద్దు మనిషికి దేవుడిచ్చిన భాద్యత

ప్రతి ప్రాణిని ప్రత్యేకలతో పుట్టించే విదాత

మనిషిని చేసాడు మానవత్వమనే మట్టితో

తనకు ప్రతినిధిగా నాయకత్వమనే వాడితో 

నడపమన్నాడు ప్రతిజీవిని చెరగని ప్రేమతో 

భాద్యత మరచిన కొంతమంది స్వార్దబుద్దితో 

జీవిత లక్ష్యాన్ని వదిలిన వారు గందరగోళంలో

విచక్షణకొరవైనవారు విచ్చలవిడిఅలవాట్లతో 

మర్చుకుంటున్నారు జీవితాన్ని పెను భారంగా

మనుషుల అనేక సమస్యలు స్యయంకృతాలే

విదాత విదానాలను వదిలిన పర్యవసానాలే

సరళజీవితాన్ని సంక్లిష్టంగా మార్చుకోవటమే 

ఆదిదేవుడు మనిషికిచ్చినది మర్చిపోవటమే 

ఆప్యాయతఅనురాగమే ఆనందానికి పునాది 

సహజమైనఆహారం సంపూర్ణఆరోగ్యానికి రక్ష 

సకలజీవుల సంరక్షణ జీవసమతుల్యమూలం

అందుకే....

మర్చిపోవద్దు మనిషికి దేవుడిచ్చిన భాద్యత 

            -ప్రభాకరరావు కోటపాటి

              30 - డిసెంబర్ - 2020

వేయండి..వేయండి.. ఓటు వేయండి.

వేయండి..వేయండి.. ఓటు వేయండి.

నిప్పు లాంటి నాయకులను ఎన్నుకోండి.

సమాజం కోసం పాటుపడే.. సిసలైన అభ్యర్థులను వెతికి ఎన్నుకోండి.

అవినీతి, అహంకారం, అరాచకాలను..

కూకటి వేళ్లతో పెకలించండి.

నిజాయతీకి చోటు లేదని..

ఊక దంపుడు ఉపన్యాసాలు మానండి.

ఈ దేశ భవిష్యత్తును మార్చే మీ శక్తిని..

గుర్తించి విశ్లేషించి విచక్షణతో వాడండి.

రకరకాల ప్రలోభాలవలలను వదిలించుకుని..

ఉదయభానునిలా చీకటిని చీల్చి చెండాడండి.

గాడి తప్పుతున్న రాజకీయాలకు..

ముక్కుతాడువేసే మొనగాళ్లను గెలిపించండి.

తీరిక లేదని..ఓపిక లేదని..ఓటు మానకు..

అడుగడుగునా మన నడక మార్చేది ఎన్నిక.

ఒక్కఓటుతో వచ్చేలోటు ఎమిటి అనకు..

ఓటుకు ఓటు కలిస్తే జరిగేదే అసలైన ఎంపిక.

ఇంటిలో కూర్చుని దేశంమారాలని చూడకు..

ఓటు అనే వజ్రాయుధాన్ని ఝుళిపించి సాగిక.

ఎవరో వస్తారని ఏదో చేస్తారని ఆలోచించకు..

ప్రజాస్వామ్యంఇచ్చినహక్కు సాధనకై కదిలిక.

వేయండి..వేయండి.. ఓటు వేయండి.

నిప్పు లాంటి నాయకులను ఎన్నుకోండి.

సమాజం కోసం పాటుపడే.. సిసలైన అభ్యర్థులను వెతికి ఎన్నుకోండి.

అవినీతి, అహంకారం, అరాచకాలను..

కూకటి వేళ్లతో పెకలించండి.

       - ప్రభాకర రావు కోటపాటి 

          30 - నవంబర్ - 2020

ఆకాశాన్ని అందుకొనే అనంత హిమగిరి సంపద ఉత్తరాన..

వేలకొద్దీ యోజనాల విస్తరించిన హిందూ మహా సముద్రము దక్షిణాన..

సర్వ సుందరమైన వన సంపదతో విలసిల్లే భగవంతుని స్వస్టలమేమో పశ్చిమాన..

సహజ సిద్దమైన తీర ప్రాంతాలకు ఆలవాలమైన అద్బుత దృశ్యాలు తూర్పున..

నర నరాలుగా అల్లుకొని జీవదారలుగా అలుపెరుగని నడకతో నదీ నదాలు..

ఆహా ఎంత అందమైనది నా దేశము..

ఎన్ని జన్మల పుణ్య ఫలమో ఇక్కడ జననం..

హాయి నింపి అలరించే హిందుస్తానీ సంగీతం 

కర్ణ లాలస శోభాయమైన కర్నాటక సంగీతం 

విలక్షణ కళల కాణాచి కూచిపూడి నృత్యం

భావాలకు భవ్యరూప ప్రదర్శన భరతనాట్యం 

సమ్మోహన సంగీతాభినయ మోహినియట్టం 

గుండెనుతాకే లోతైన గానలహిరి గజల్ ఝరి 

అహో ఎన్నిరకాల లలితకళల తల్లి నా దేశం 

ఎన్ని జన్మల పుణ్య ఫలమో ఇక్కడ జననం..

పుష్టి నిండిన విశిష్ట రుచుల పంజాబీ వంటలు

శత రకాల శాకాహారాల హారం ఉడుపిరకాలు 

ఘుమఘుమ మసాలాల బిర్యానీ విందులు

అమృతానికి ప్రతిరూపాలు తీపి పదార్థాలు 

అన్నిరకాలప్రజలనుఅలరించే అల్పాహారాలు 

ఎన్ని రుచులను సృష్టించినది మన దేశం

ఎన్ని జన్మల పుణ్య ఫలమో ఇక్కడ జననం..

అనేక భాషలు కానీ అంతులేని భావ సంపద 

పలురకాల మతాలు కానీ తరతరాల ఐక్యత 

విలక్షణవినోద విరాజితాలు పలుపర్వదినాలు

అనురాగాల ఆలయాలు కుటుంబ సంస్కృతి 

ప్రకృతితో కలసినడిచే జీవనవైద్య విదానాలు 

మనిషి మనుగడకు మార్గదర్శి మన దేశం

ఎన్ని జన్మల పుణ్య ఫలమో ఇక్కడ జననం..

మనదేశ అందాలను ఆలకించు పరిరక్షించు

మనకళల ఝరిలో విహరించు ప్రొత్సహించు

ఆరోగ్యహిత రుచులు ఆస్వాదించు సృష్టించు

భారతీయులు ఒకేకుటుంబం అని మరువద్దు

మనఐక్యతదెబ్బతీసే ప్రలోభాలకు లొంగవద్దు 

           - ప్రభాకర రావు కోటపాటి 

                27 నవంబరు 2020

మన అవసరాలకు చివరి చిరునామా ప్రకృతి

విరిజల్లులకు పరవశించే.. 

వరిచేల వయ్యారం చూడు

పిల్లగాలులకు తలలూపే..

జొన్నచేల సంబరం చూడు

నులివెచ్చని కిరణాలకు మెరిసిపోయే..

కందిచేల అందం చూడు

మేఘాలను తాకి పులకరించే..

తాటిచెట్టుల సందోహం చూడు 

ప్రకృతి స్పర్శతో  అవి పొందే అనందం చూడు

పచ్చ గడ్డి తిని స్వచ్ఛమైన పాలిచ్చే..

గంగి గోవుల గొప్పతనం చూడు

వట్టి మట్టి తిని సత్తువైన ఎరువునిచ్చే..

వాన పాముల అద్భుతం చూడు

ఏది పెట్టినా తిని తరగని ప్రేమ చూపే..

శునకముల స్నేహభావం చూడు

పువ్వు పువ్వు పై ఎగిరి ఫలీదకరీంచే..

తుమ్మెదల సహకారం చూడు

మనిషికోసం తోటిజీవుల సంఘీభావం చూడు

ప్లాస్టిక్ సంచులు సీసాలు విసిరేస్తే..

వినాశనమవుతున్న జీవులను గమనించు 

మత్తు పదార్దాలను విచ్చలవిడిగా వాడే..

వ్యసనపరుల చివరి అవస్తలను గమనించు

సహజ ఆహార నియమాలను వదిలేస్తే..

విరుచుకుపడే విచిత్ర రోగాలను గమనించు 

పచ్చటి చెట్లను కొట్టేసి కాంక్రీటు నింపితే..

ఉక్కపోతతోమగ్గిపోయే జనులను గమనించు

మనిషికి ఇతర జీవుల శైలికి తేడా గమనించు 

జీవులమనుగడ ఆనందానికి ఆధారం ప్రకృతి

నియమాలు పాటించేవారికి సొంతం ప్రకృతి

కోట్లకు పడగలెత్తిన వారికీ అతీతం ప్రకృతి 

దారి తప్పిన వారికి సింహ స్వప్నం ప్రకృతి 

మన అవసరాలకు చివరి చిరునామా ప్రకృతి 

   - ప్రభాకర రావు కోటపాటి

       11- అక్టోబర్ - 2020

 

ఇన్ని గొప్పతనాల సమ్మిళితమే..శ్రీపతి పండితారాద్యుల బాలసుబ్రహ్మణ్యంగారి జీవితం..

ఎన్ని స్వరాలు, ఎన్ని రసాలు, ఎన్ని భావాలు 

అన్నిటికీ చెరగనిచిరునామా మన బాలుగారు

సినీసంగీతానికి తరగనిసంపద అయన గానం

అనేక చిత్రాల విజయానికి ఆధారం ఆ గాత్రం 

తెలుగు భాష కు అయన స్వరమే ఒక వరం 

విదాత తలపున అంటూ ఆలపించినా

సంభవం నీకే సంభవం అంటూ గర్జించినా

పుణ్య భూమి నాదేశం అంటూ మేల్కొలిపినా

శంకరా నాద శరీరా పరా అని ప్రార్దించినా

సంగీత ప్రియులకు అదొక స్వర్గ విహారం 

దశాబ్దాలుగా ఆ గళం నుండి ఆణిముత్యాలు

అలసిసొలసిన మనుషులకు వీనులవిందులు

కొండలలో నెలకొన్న దేవునికి మేలుకొలుపులు

ఎన్నెనో జన్మలకు తరిగిపోని ప్రేమ సంపదలు

తన దరికిరాని వనాలకోసం ఎన్నో వసంతాలు

తర తరాలను తరింప చేసే గందర్వ గానం

కృషిఉంటేమనుషులుఋషులౌతారనిసాక్ష్యం

పాడుతాతీయగాతో భావిగాయకులకుజననం

గేయ రచయితలకు  సముచిత సత్కారం 

సంగీతదర్శకుల తెరవెనుకశ్రమకుప్రోత్సాహం

తీయనైనతెలుగుకుతేనెలు అద్దినఅభిమానం 

ఇన్ని గొప్పతనాల సమ్మిళితమే..శ్రీపతి పండితారాద్యుల బాలసుబ్రహ్మణ్యంగారి జీవితం..

గగన శిఖలకు ఎగిసిపోయినా.. అయన అందించిన స్వరసంపద మన గుండెలలో పదిలం..

అయన అడుగు జాడలలో నడిచి..

పది కాలాలు గుర్తుంచుకొనే సేవలు అందించటమే..మనందరి కర్తవ్యం..

      - ప్రభాకర రావు కోటపాటి 

          27 - సెప్టెంబర్ - 2020

 

చెడులను చాకచక్యంగా గెలవటమే బ్రతకడం

మెరిసేది అంతా బంగారం కాదు 

తెల్లగా ఉన్నవి అన్నీ పాలు కాదు 

అబద్దాలకుండే  అందము నిజానికి ఉండదు

తెలుసుకొనే శక్తి లేకపోతే మోసపోక తప్పదు 

రంగు కళ్లజోడు దరిస్తే ఆకాశం రంగు మారదు 

చెత్తలో నిప్పు దాచిపెడితే మండక మానదు 

వెర్రి మొర్రి అభిమానాలతో ఒరిగేదేమీ లేదు 

నిజ నాయకుల సాహవాసానికి తిరుగులేదు 

పంతాలుపట్టింపుల కంటే ఫలితాలు ముఖ్యం

ఎదుటివారిలో మార్పుకోసం మమతేమూలం

లోకం మనలా ఆలోచించాలి అనేదే అవివేకం

కూర్పుచేర్పు నేర్పు ఓర్పులతో ఏదైనాసాద్యం 

అహంకారమే అన్నింటికీ మించిన అనారోగ్యం

పెద్దతోపుఅయినా తనకుమించినది న్యాయం

దురహంకారం దుర్మార్గం దర్మ కాలాఙికి దగ్దం

పైశాచికఆనందఅభిలాషికి తుదకుశిక్షఖాయం 

 

జీవితమంటే అర్దంచేసుకోవటం అర్దంకావటం

ప్రతిమనిషిలో మంచిచెడు ఉండటం సహజం

చెడులను చాకచక్యంగా గెలవటమే బ్రతకడం 

అందరినీకలుపుకుని నడవటమే నాయకత్వం

       - ప్రభాకర రావు కోటపాటి

          13 -  సెప్టెంబర్ - 2020

 

నిస్సందేహంగా వదులు..ఆ మందుల మారణహోమం

అణువు నుండి ఆరడుగులు ఎదిగే మనిషి 

అంతరాళాలలో అనంత శక్తి దాగిన యోగి 

పుట్టుకతోనే సొంతం రక్షించే రోగనిరోధకశక్తి 

ప్రకృతినియమ పాలనే దానిని పెంచే యుక్తి 

ఆడుగు అడుగుకూ తప్పిదాలు చేస్తూ 

గుప్పెడు గుప్పెడు మందులు సేవిస్తూ 

క్షణ క్షణం ఆరోగ్యాన్ని కొనుక్కుంటూ 

తపన తపనతో చేసేదంతా చివరకు తదాస్తు

అసహజ ఆహారం .. అసహజ జీవన శైలి

ఎలాగైనా అనందం..దురలవాట్ల సహవాసం

మూలికలంటే సందేహం..

రసాయానలపై విశ్వాసం

నిజం అంటే నిష్టూరం..ఆసుపత్రికి  ప్రయాణం

దేవదేవుడు కొలువైన దేవాలయం ఈ దేహం 

అనంత శక్తి సంపదల నిలయం ఈ దేహం

శ్రద్దభక్తులతో యోగసిద్దితో చైతన్యం ఈదేహం

నిస్సందేహంగా వదులు..

ఆ మందుల మారణహోమం

                  ప్రభాకర రావు కోటపాటి

                      24-ఆగస్టు-2020

జీవితయుద్దములో.కర్తవ్యబద్దుడవై కొనసాగు

దేహం కాదు నీవు.. ధనస్సువే నీవు

ఒంటరివి కాదు నీవు.. ఉద్యమమే నీవు

తల విదిలించావా.. విధి తలవంచక తప్పదు

పిడికిలి భిగించావా.అడ్డుగోడలకు ఆఖరిరోజు 

అందుకే కదులు నీవు.. కదంతొక్కు నీవు

ఆశయాల సాధన కోసం.. అంకితమై సాగు

నలిగిన దారులు వదిలి.నవోదయమై కదులు

ఉత్తమాటలు మాని.క్రొత్తదారిలోకృషిసాగించు

పధకంతో పని చేస్తే..శత సహస్ర ఫలితాలు 

ఎదురు దెబ్బలను..గురువులని గౌరవించు 

ఆపకు నీ ప్రయాణం..వదలకు నీ ప్రమాణం 

కొనసాగిస్తూ ఉండు.కదం తొక్కుతూనేఉండు

ఇది సమస్యల ప్రపంచం..పరిష్కారమేమార్గం

అలుపెరుగని ప్రయత్నమే..విజయ సోపానం

తెలివొకరి సొత్తు కాదు..ఆలోచనలే విత్తనాలు

మనిషి మెదడు అద్భుతం..వాడితే ఆయుధం

నిరంతర పరిశోధనే..వినూత్న విధి విదానం

జీవితయుద్దములో.కర్తవ్యబద్దుడవై కొనసాగు

                 - ప్రభాకరరావు కోటపాటి

                       16-ఆగస్ట్-2020

అందుకే ప్రతిక్షణం ఆనందమయం జీవితం..

ఉదయభానుని నులివెచ్చటి కిరణం 

చిట్టి చిట్టి పక్షుల కిల కిల రావం 

సుస్వరాల విందైన శాస్త్రీయ సంగీతం

శారీరక శక్తిని పెంపొందించే యోగ సాధనం 

సకల పోషకాలు నిండిన అమృత ఆహారం

ఆహా ఎంత అందమైనది ప్రతి ఉదయం 

క్షణ క్షణం సరికొత్త ఆవిష్కరణల లోకం

ఎంత నేర్చుకున్నా తరగని విఙ్ఞానం

చిత్తసుద్దితో శోదిస్తే అవకాశాల సమాహారం 

ఏకాగ్రతతో ప్రయత్నిస్తే ప్రతిఅడుగు విజయం

ఎదురుదెబ్బలను ఎదుగుదలగా మార్చేనైజం 

మన సంకల్పానికి ఉంది అంతులేని బలం 

రంగు రంగుల పుష్పాలు వెదజల్లే సుగందం

జల జల పారే జీవ నదుల నిత్య పయనం

రెక్కలతో స్వేచ్చగా విహరించే  పక్షిసమూహం

అనేక రూపాలతో అబ్బురపరిచే జంతుజాలం

పచ్చటిరంగును భూమికిదిద్దే వృక్షసందోహం

ఎంతచూసినా చూడాలనిపించే పకృతిఅందం

మనక్షేమాన్ని కోరే అమ్మా నాన్నల ఆశీర్వాదం 

మనకు నడక నేర్పిన గురువుల ప్రోత్సాహం 

వెన్నంటి ఉండే మంచి మిత్రుల అభిమానం

మనకు రక్షణ కల్పించే రాజ్యాంగ యంత్రాంగం మన మనుగడకు సకల జనుల సమాజం 

వారి త్యాగ ఫలితమే మన కదలికకు ఆదారం

మనిషికి ప్రత్యేక శక్తి యుక్తులు ఇచ్చిన దైవం 

తనప్రతినిధిగా ప్రకృతిని కపాడమని సందేశం

అనంతమైన విశ్వానికి నాయకత్వ అవకాశం

నియమాలను పాటించే వానికే ఆ అధికారం 

లోకకల్యాణం కోసం పనిచేయటమే కర్తవ్యం 

అందుకే ప్రతిక్షణం ఆనందమయం జీవితం..

            -ప్రభాకర రావు కోటపాటి

               1 - అగస్టు - 2020

 

అనంతమూర్తి నియమాలను పాటించి..జగజ్జేయుడవై జీవించు.

అస్తమించిన సూర్యుడు.. 

ఉదయించక మానడు

కొమ్మ విరిగిన చెట్టు..

మరొక వైపు పెరగక మానదు 

రచ్చ చేస్తున్న రోగాలు.. 

అంతరించి పోక తప్పదు 

సృష్టిని నడిపే అచంచల శక్తికి.. 

అతీతమైన అధికారం లేదు

నమ్మకంతో నడిచావా.. 

అనుకున్నది సాధిస్తావు 

సవ్యదృష్టితో గమనించావా.. సుడిగుండములో దారి వెతుకుతావు

మనస్పూర్తితో మొదలుపెట్టావా..

ఎవరెష్టు కూడా ఎక్కుతావు 

విధాతను విలువించావా.. 

విశ్వవిజేతగా మారతావు 

గడచిపోయినది గతం..

ముందున్నది అవకాశాల మణిహారం 

అడ్డుగోడలన్నీ అశాశ్వతం ..

తొలగించేది అలుపెరుగని ప్రయత్నం 

కష్టసుఖాలమయం జీవితం..

సమదృష్టితో ఎల్లవేళలా సంతోషం 

దేవదేవుని లీలలు అనంతం..

దర్మదీక్షతో లక్ష్యసాధన సుసాద్యం

ఒకదారి మూసుకుపోతే..

మరొకదారి కోసం గాలించు 

పరిస్తితుల నింద వదిలి..

పరిష్కారాల పరిశోదన కొనసాగించు 

అనుభవాల సారాన్ని రంగరించి..

సరికొత్త సామ్రాజ్యాన్ని స్తాపించు 

అనంతమూర్తి నియమాలను పాటించి..

జగజ్జేయుడవై జీవించు.

  

      -ప్రభాకర రావు కోటపాటి 

       26 జులై 2020

ప్రణామం ప్రణామం నీకే ఓ ప్రకృతి మాత

నీ సన్నిధిలో ఏదో అనందం

అది మాటలలో తెలుపలేని అనుభవం

అలవాటు మారిపోయింది ఈ అనుబంధం 

నిన్ను చూస్తేనే అవుతుంది నా సాయంత్రం 

ప్రణామం ప్రణామం  నీకే ఓ ప్రకృతి మాత 

కావాలి కావాలి అనుక్షణం నీ మమత

వదలలేను వదలలేను నీ చేయూత 

నీ దయలేక పోతే జీవితమే జబ్బులమయం

నీ నియమాలకు దూరమే దారి తప్పటం

నీ ప్రకోపమే విష జ్వరాల విన్యాసం 

నీ సమతుల్యతే మనుగడకు మూలాధారం

ప్రణామం ప్రణామం  నీకే ఓ ప్రకృతి మాత 

కావాలి కావాలి అనుక్షణం నీ మమత

వదలలేను వదలలేను నీ చేయూత 

అన్ని బాధలను తొలగించే తల్లివి నీవు

జన జీవనాన్ని నడిపించే జాగృతివి నీవు

వ్యర్దాలను ఎరువులుగా మార్చే వ్యవస్థ నీవు

అలసిపోయిన మనసులకు స్వాంతన నీవు

ప్రణామం ప్రణామం  నీకే ఓ ప్రకృతి మాత 

కావాలి కావాలి అనుక్షణం నీ మమత

వదలలేను వదలలేను నీ చేయూత 

మారింది జీవితం నిన్ను కనుగొన్న తరువాత  

పదే పదే పాడుతుంది గుండె నీ పాట 

మారావు నీవే నా ద్యాసగా శ్వాసగా

అంకితం అంకితం నీకే నీకే నా సర్వస్వం 

ప్రణామం ప్రణామం  నీకే ఓ ప్రకృతి మాత 

కావాలి కావాలి అనుక్షణం నీ మమత

వదలలేను వదలలేను నీ చేయూత 

వానమ్మా వానమ్మా నీకు వందనమమ్మా

ఉరుములు మెరుపులతో వస్తావు 

నేలను పచ్చ పచ్చగా చేస్తావు 

వాగులు వంకలను కదిపేవు 

నదుల నడకకు ప్రాణమై నిలిచేవు

వానమ్మా  వానమ్మా నీకు వందనమమ్మా 

విత్తు విత్తుకు కావాలి నీ విరిజల్లులు

చెట్టు చెట్టుకు జీవం నీ జలధారలు

బొట్టు బొట్టుతో  పెరిగేను  పరిసరాలఅందాలు

ప్రాణి ప్రాణికి ఆధారం నీఅమృత బిందువులు 

వానమ్మా  వానమ్మా నీకు వందనమమ్మా 

నిండుగా ఉన్నప్పుడు తెలియదు నీ విలువ

ఎండిపోయినప్పుడు దొరకదు నీటి చుక్క

పాడుచేసే మనుషులకు పట్టదు నీ కొరత 

అన్నీ మరచి కురిసేను నీ మమతల వర్షం 

వానమ్మా  వానమ్మా నీకు వందనమమ్మా

నీ రాక కరువైతే నేల మారేను ఎడారిగా

నీఉనికి దూరమైతే ఊహించలేము ఉపద్రవం

నీకుతప్పదు అందరి కాలుష్యాలను కడగటం 

ఎప్పటికి తెలుసుకుంటుందో ఈసభ్యసమాజం

వానమ్మా  వానమ్మా నీకు వందనమమ్మా

 - ప్రభాకర రావు కోటపాటి, 27 జూన్ 2020

ఇవ్వగల వారికే సొంతం ఈ జీవితమాధుర్యం

జీవితమనే ఈ ప్రయాణంలో

మరొకరి మేలుకోరే మనసుతో 

చిరునవ్వు చిందే మాటలతో 

గడిపే వారే నిజమైన విజేతలు 

ఉదయభానుని వెలుగుల వెచ్చదనంతో

పక్షుల కిల కిలల వీనుల విందుతో 

మలయ మారుత వింజామరలతో 

ప్రతిరోజూ పుట్టటమే ఈ జీవిత మర్మం 

పరిమళాలు విరజిమ్మే జాజులు కోసం 

హయిగొలిపే సంగీత మదురిమ కోసం

ఉర్రూతలు ఊగించే వర్షపు జల్లుల కోసం

కదిలే మనుషులకే అసలైన అనందం

అమృత తుల్య అహారముతో 

మధుర ఫలాల అస్వాదనతో 

యోగసాదన  జీవన విదానముతో 

క్షణ క్షణం గడిపిన వారికి భూలోకమే స్వర్గం

సరసపూరిత శోభనిండిన సంభాషణలు 

ఉత్సాహం  ఉరకలెత్తే  పలుకరిపులు 

సమస్యలను సామరస్యంతో పరిష్కారాలు 

ఇవ్వగల వారికే సొంతం ఈ జీవితమాధుర్యం

           -  ప్రభాకర రావు కోటపాటి

                7 - జూన్ - 2020

కర్తవ్యానికి కట్టుబడే వాడే కధానాయకుడు

ఆనందం లోకంలో ఉండదు 

అది చూసే కనుల నుండి పుడుతుంది 

అన్ని కనులు ఆనందాలు అనుభవించలేవు

వాటికి కళలను ఆస్వాదించే రసజ్నత కావాలి

కష్టాలు లేని జీవితం కలలో కూడా జరుగదు 

అడ్డుగోడలను అదిగమించటమే ఆనందం 

ఎదురు దెబ్బలు  ఎంతటి వారికైనా సహజం

కానీ గెలవాలి అనే తపనే నడిపించే ఇందనం 

దారిలో గొయ్యి ఉంటుంది నుయ్యి ఉంటుంది 

కదలక పోతే  కల ఎలా నెరవేరుతుంది?

ఊరక కూర్చున్నా ఆయువు తరిగిపోతుంది

సాదించటానికి చేసే కృషిలో ఆనందముంది 

వదలటానికి వంద కారణాలు చెప్పవచ్చు 

చేయటానికి చేయాలనే కోరికే కారణం 

వదిలే వానికి మిగిలేది కూడా ఉండదు 

కర్తవ్యానికి కట్టుబడే వాడే కధానాయకుడు 

        - ప్రభాకర రావు కోటపాటి

                02-జూన్-2020

ఎందుకు మనకీ మందు బానిసత్వం?

తపన ఒకటే తపన..

మందు కోసం ఒకటే తపన..

అది లేకపోతే వళ్ళంతా కుత కుత..

ఎప్పుడు తెరుస్తారా అని ఎదురు చూపులు..

ఎందుకు మనకీ మందు బానిసత్వం?

మందు లేక పొతే పొద్దు పోదు..

అది పడక పొతే పండుగ జరగదు..

ఓటు వేయాలంటే బాటిల్ ఇవ్వక తప్పదు..

దేశమెటుపోయినా మన మత్తు దిగదు..

ఎప్పటికి ఆపుదాము ఈ ఆత్మ వంచితం?

కరోనా కోసం కొట్టు కట్టేస్తే..

నాటు సారా కోసం నరాలు లాగుతాయి.

వందది వెయ్యికి అమ్మినా..

ఆస్తులు అమ్ముకొని మరీ తాగుతాము.

ఒక పక్కన వైరస్ ఉప్పెన వచ్చినా..

ఆఖరి గుక్కేసి పాడె ఎక్కుతాము.

శరీరం సిక్కి శల్యమవుతుంటే..

మనసుతో మాత్రం స్వర్గంలో విహరిస్తాము

అర్దమవుతుందా మన దారితప్పిన జీవితం?

కొట్టు తెరుస్తున్నారు అంటే కోటి సంబరాలు..

రేట్లుపెంచారు అంటే అరువుకోసం పరుగులు.

తాగకురా చెడేవు అంటే  మూతి విరుపులు..

అనారోగ్యం అయితే ఆరోగ్యశ్రీ వైపు చూపులు

ఇలాగే కొనసాగితే..

ఎప్పటికిచేద్దాం సంపూర్ణమద్యపాన నిషేదం?

      - ప్రభాకర రావు కోటపాటి

ఆ వైద్య సిబ్బందికివే శత కోటి వందనాలు

వైద్యం కోసం ప్రాణాన్ని పణంగా పెట్టి

సొంత కుటుంబాన్ని దూరంగా పెట్టి

గాలి చొరబడని దుస్తులను వంటికి కట్టి

అంతు తెలియని పోరాటానికి నడుం కట్టి 

ఆ వైద్య సిబ్బందికివే శత కోటి వందనాలు..

కనిపించదు తెల్లకోటు వెనుక మీ ఆత్మ క్షోభ 

వినిపించదు రోగి కోసం మీరు పడే ఆవేదన

తెలియదు రక్కసిపై పోరాటంలో మీ త్యాగం 

వెలకట్టలేదు ఈ సమాజం మీ సేవాభావం 

అందుకే అన్నారు వైద్యో నారాయణో హరిహి

రసాయనాలతో చేయక తప్పదు స్నానం 

వత్తుకు పుండ్లుపడినా విప్పలేరు మాస్కులు

కనపడనిశత్రువు అయినా అపాలనే ఆరాటం

కంటికి నిద్ర కరువు కానీ కాపాడాలనే కోరిక

అందుకే సరిలేరు మీకెవ్వరు ..

మరువలేనిది మీరు చేసిన మేలు

తిరుగులేనిది  మీ సేవా నిరతి 

అందుకే ప్రజావాహిని కురిపిస్తుంది 

మీపై పుష్పాంజలి 

               - ప్రభాకర రావు కోటపాటి

                      02 - మే - 2020

  

 

అనందం అనుభవించు.. ఆచరించకు అరిషడ్వర్గానికి బానిసత్వం

అందరికీ వస్తుంది..వదిలి పోయే సమయం 

చివరకు మిగిలేది.. మనం పంచిన ఆనందం 

అందుకే చేయలి.. మిగిలేవి కలకాలం 

సమయాన్ని గడపాలి.. అందిస్తూ అనుబందం

పొరుగు వారికి చేయి.. చేతనైన సహాయం

అభాగ్యులకు అందించు.. ఆపన్న హస్తం

వికలాంగులకు చూపించు..బ్రతికే విశ్వాసం 

ప్రజలందరకి పంచు.. నిస్వార్థ  స్నేహం

కష్టాలు వచ్చేను.. కానీ ఉండవు కలకాలం 

నష్టాలు నడిచేను.. జయించేవు మరుక్షణం 

సంకల్పమే నీ బలమైతే..వరించేను విజయం 

వైఫల్యమే నీ సోపానమైతే..చేరేవు లక్ష్యం

ధనం సంపాదించు.. విడువకు ధర్మ మార్గం 

షడృచులు భుజించు..వదలకు ఆరోగ్యదర్మం

భందువులను పోషించు..

మరువకు వసుదైక కుటుంబం

అనందం అనుభవించు.. 

ఆచరించకు అరిషడ్వర్గానికి బానిసత్వం 

- ప్రభాకర రావు కోటపాటి

దయ రాదా.. మాపైన నీ దయ రాదా..

దయ రాదా.. మాపైన నీ దయ రాదా..

ఇకనైనా ఆపరాదా మమ్ములను కాపాడరాదా

ఈశ్వరా ఈ ప్రళయాన్ని ఆప రాదా..

స్తంభించిన ప్రపంచాన్ని తిరిగి నడిపించరాదా

కరుణించ రావా .. కవచమై రక్షించ రావా

కంటికి కనపడని కర్కశి కరోనాను కట్ట రావా 

కరుణామయా ఈ విద్వంసాన్ని  నిలుపరావా 

దద్దరిల్లు మరణమృదంగాన్ని ముగించ రావా 

ప్రాణాలుతీసే మహమ్మారిని మట్టుపెట్ట లేవా 

దహిస్తున్న ఆ దెయ్యాన్ని దండించ లేవా 

దైవమా ఈ దుస్తితిని దూరం చేయ లేవా

కల్లోలరహిత ప్రపంచాన్ని పునరుద్దరించలేవా 

తెలియకచేసిన మా తప్పులను తుడిచివేయి 

వణికిపోతున్న జనులకు తోడువై కాపాడు  

భగవంతుడా ఈ భడభానలనాన్ని  చల్లార్చు 

మానవ జాతికి సంతోష జీవితం ప్రసాదించు.

   -ప్రభాకర రావు కోటపాటి