ఈ ప్రపంచంలో హింసను అంతమొందించడానికి కావాలి మన నాయకత్వం..

నలువైపులా అందాలు.. గల గలా పారే నదులు.. 

ఎత్తైన పర్వతాలు .. ఔషదాలు నిండిన వనాలు 

అమృత ధార ఈ దేశం .. అన్నపూర్ణ మన దేశం.. 

దేవుడు దీవించినది ఈ నేల.. మానవత్వానికి మారుపేరు ఈ భూమి .. 

అభివృద్ధిలో ముందు.. అనురాగంలో ముందు.. 

యువ శక్తి లో ముందు.. సేవాసక్తి లో ముందు.. 

కళలలో ముందు.. కరుణ లో ముందు.. 

ఉపగ్రహాలలో ముందు.. ఉత్సాహం లో ముందు.. . 

సంస్కృతి పుట్టిందిక్కడ.. 

అహింస ఆయుధమైనదిక్కడ.. 

యోగా ఆరోగ్యధామం అయినదిక్కడ.. 

ధనం కన్నా దానం గొప్పదని చాటిందిక్కడ.. 

విశ్వమంతా తన కుటుంబం అంటుంది.. 

సకల జనుల సౌఖ్యం ముఖ్యం అంటుంది.. 

స్త్రీలకు సముచిత స్థానాన్ని ఇచ్చి గౌరవిస్తుంది.. 

అన్ని ప్రాణులు ప్రకృతి కి అవసరమంటుంది.. 

ఈ దేశంలో పుట్టటం మన పూర్వ జన్మ సుకృతం.. 

మన దేశ విలువలను పాటించి కాపాడటం మన కర్తవ్యం .. 

ప్రపంచానికి ఆదర్శం గా మారటం మన లక్ష్యం.. 

ఈ ప్రపంచంలో హింసను అంతమొందించడానికి కావాలి మన నాయకత్వం..