త్రాగిపడేసిన ప్రతి సీసా నిన్ను ఊడ్చుకు పోయే ఒక ఉప్పెన ..

త్రాగిపడేసిన ప్రతి  సీసా  నిన్ను  ఊడ్చుకు  పోయే  ఒక  ఉప్పెన ..
మత్తులో  మునిగి  తేలిన  ప్రతి  ఘడియ  నిన్ను  గాయపరిచే  ఒక గాలివాన..
విషాన్ని  సేవించి  వేడుక  చేసుకొంటున్నావు.. 
నీ  చేతులతో  నీ  సమాధి నిర్మించుకొంటున్నావు ..
కంప్యూటర్ ను  నడపటం  నల్లేరు మీద నడక  నీకు ..
కానీ  నీ  శరీరంలో  జరిగే  మార్పు  నీ  ఆలోచనకు  అందని  ఆక్రోశం ..
అరుస్తున్నాయి  నీ  అవయవాలు  ఆ  రసాయన రాక్షసత్వానికి ..
క్రుశిస్తున్నాయి నీ  జవసత్వాలు  ఈ  క్రమశిక్షణ నశించిన  జీవనశైలికి..
మనుషుల క్రూరత్వం  ఆ  మద్యం  ఫలితం...
ప్రమాదాలు  ఆ  ఆల్కహాల్  కు  అనుబంధం..
అబివృద్దికి  ఆటంకం...పేదరికానికి  దగ్గర  మార్గం.. 
తగాదాలకు  తరగని ప్రోత్సాహం..
వేలం వెర్రిగా మారుతుంది ఆ  మహమ్మారి పానీయం..
జాతి  నాశనానికి  కట్టుబడింది  ఈ దుర్వాసన మారి ..
దేవుడిచ్చిన  ఆ  విజ్ఞతను ఉపయోగించు  ..
జరుగుతున్న  ఈ వినాశనాన్ని నిలువరించు ..
నీవు  కనులు మూసుకున్నాముంచుకొచ్చే  జాతి  విపత్తు  ఆగదు ..
నీ  బాద్యతను విస్మరించి నీ  తాత్కాలిక ఆనందము వైపు నడుస్తున్నావు..
ఆదర్శాన్ని  వదిలి  ఆ  బడబాగ్నిని  దిగుమతి  చేసుకొంటున్నావు..
ఎన్నో  సమస్యలు  ఆ  మాయలాడి  చలువ ..
అంచనాకు అందని ఆరోగ్యనష్టం ఆ  అసహ్యరూపిని  దీవెన ..
నీ  ముందున్నాయి  ఎన్నో  బాద్త్యతలు .. 
నిన్ను  చూసి  నేర్చుకోవాలి  నీ  ముందు  తరాలు ..
ఇకనైనా  ఆపు  ఈ  గొర్రెల  మంద  ధోరణిని ..
కన్నులు  విప్పి  అనుసరించు ఆ  అసలైన  ఆదర్శ ప్రాయమైన వినోద  విదానాలను..
ఆరోగ్యము ఆహ్లాదము ఆనందము ఇచ్చే అలవాట్లను పాటించు....
ఆదర్శముగా జీవించు...

కలిసిఉందాం ఎల్లకాలం చెదరిపోని క్రీడా స్పూర్తితో......

ఇది ఒక ఆనంద పర్వదినం
ఉద్యోగులు చిన్నపిల్లలైన క్షణం
నీవు ఇంకా శక్తివంతుడివి అని తెలియ చేసే రణం
అందరూ గెలుపు రుచులను చవిచూడాలని తహ తహ లాడే పోరాటం

ఎందుకు ఆడతాము ఈ ఆటలు...
గెలుపు కోసమా...గాయ పరుచుకోవటం కోసమా...
పోట్లాటల కోసమా...పెనుగులాటల కోసమా....

కాదు...ఎంత మాత్రమూ కాదు.....మరి ఎందుకోసం....

ఆనందం కోసం...ఆహ్లాదం కోసం...
ఆరోగ్యం కోసం....ఆసక్తిని పెంచుకోవటం కోసం...

ఇటువంటి సౌకర్యం ఏ కంపనీ లోనైనా ఉందా....
ఇంత సౌలభ్యం మరెక్కడైనా సాద్యమౌతుందా....

లేదు..ఎక్కడా లేదు...అలా ఎందుకు లేదు....

మనం నిర్మించుకున్న మన కంపెనీ ఒక ప్రత్యేకం...
మనందరం నడిపిస్తున్నఈ క్రీడా సంబరాలు ఒక ఆనంద సద్రుస్యం...

మరెవ్వరూ జరుపలేనివి ఇటువంటి వినూత్నవినోదాలు
మనకే సాద్యమైనవి ఈ అంబరాన్నంటే అసామాన్య క్రీడా పోటీలు...

నిలిపి ఉంచుకుందాము ఈ నిరంతర స్పూర్తి స్పందనను....
కలిసి పాడుకుందాము ఈ ఆత్మీయ ఉద్బోధ ఉత్సాహ గీతాలను... 

జీవిద్దాం కలకాలం నిత్య నూతన యవ్వనంతో......
కలిసిఉందాం ఎల్లకాలం చెదరిపోని క్రీడా స్పూర్తితో......


  


 

 

నమ్మకద్రోహి నాయకుడు కాలేడు

నమ్మకద్రోహి  నాయకుడు  కాలేడు 

వెన్నుపోటుదారుడు  విశ్రాంతిగా  ఉండలేడు

నాయకత్వమంటే మనుషులమీద ఆదిపత్యంకాదు  
అధికారమంటే ఇతరులను అణచినడిచే ఆట  కాదు
సహాయకుల సంక్షేమంకోసం పాటుపడేవాడే  నిజమైన  నాయకుడు 
తనతోటివారి అబివ్రుద్దిని ఆశించేవాడే మనసున్నమనిషి 

విచక్షణాయుక్తంగా విధులను నిర్వహించేవాడే నిజమైన  నిర్వాహకుడు 
స్వార్దరహిత కర్తవ్యనిర్వహణ చేయువాడే సకలజనుల స్నేహితుడు

చాటుమాటు చాడీలతో కుట్ర పూరిత చేష్టలతో నసించేది అవి నడిపేవాడే
ఇతరుల గురించి దుస్ప్రచారము  చేయువానికి  మిగిలేది  దుష్ట అనుభవాలే 
పనిగట్టుకొని  ఇతరులను నష్ట పరచాలని చూసేవాడు  నడిచేది నష్టాల ఊబిలోనికే 
మంచివారికి అసూయతో చేడుచేయ ప్రయత్నించువానికి  మిగిలేది  మానసిక  వ్యధ  మాత్రమే
ఈ  ప్రకృతి  ఒక  పెద్ద  అద్దము  వంటిది
ఈ సృష్టి   ఒక  విచిత్ర  వినోదశాల
ఈ  లోకము  ఒక అలౌకిక   ఆదార  సహితము
ఈ  జన్మ  ఒక  జ్యోతి  స్వరూపము


నీవు  ఏది  ఇస్తావో  అదే పొందుతావు 
నీ  నడక  ఆదారంగానే నీ గమ్యము
నీ ఆలోచనలే నీ జీవిత అనుభవాలు
నీ  ప్రవర్తన  ఫలితమే  నీ కీర్తి ప్రతిష్టలు

నీకు మిగిలేది నీవు ఈ ప్రపంచానికి చేసిన మేలు మాత్రమే.......

నిలిచి గెలువరా నాయకుడా....

ఆశేతు హిమాచలం ఈ దేశం

అనంత సుందరం మన భారతదేశం

తెలుసుకోరా తమ్ముడా

నిలిచి గెలువరా నాయకుడా

ఈ భూమిలోన ఉంది అద్బుతాలస్రుష్టి

ఈ నేలలోన పండు షడ్రుచుల పుష్టి

దారి తప్పుతున్నావు కట్టుబానిసవుతున్నావు

దురలవాట్ల ధౌర్భల్యముతో దిగజారిపోతున్నావు

సిగపట్ల దోరణితో ఒంటరిగా మారుతున్నావు

అలోచనలేదు దేశాభివ్రుద్ది గురించి

మనసులేదు సమసమాజ స్థాపనగురించి

తలచినదంతా సాదించవచ్చును ఈ పవిత్రభూమిలో

సంత్రుప్తిగా జీవించవచ్చును ఈ అనంత ఆనందక్షేత్రంలో

ఎక్కడా లేనన్ని వింతలు వర్ణణకు అందని కళాక్రుతులు

ఏ దేశంలోనైనా ఉంటాయా ఇన్ని వైవిద్య భరిత ఆకర్షణలు

ఏ ప్రాంతములోనైనా వింటామా ఇన్ని వీనులవిందైన సరిగమలు

అడుగడుగునా అంతులేని పచ్చదనం...సస్యశామలం చేసే నదీజాలం

ఎవరూ కొల్లగొట్టలేని విలువైన భాండాగారం...

గుర్తించలేకపొతున్నావు నీ చుట్టూ ఉన్న సంపద...

అందుకోలేకపోతున్నావు ఆ అమ్రుతధార...

నాగరికత పేరుతో నష్టదాయక ధోరణి...

సాంఘిక సంబందాల మాటున వినాశనకారక విశ్రుంఖలత్యం...

దర్మకార్యానువర్తులు భలవంతులు మనపూర్వీకులు

అనుక్షణం ఆచరించారు నిర్మాణాత్మకమైన ఆలోచనలు

నీతిని నిలబెట్టారు....ఈ దేశాన్ని పునీతం చేశారు

కలలు కని కదిలి కదిలి వస్తున్నారు...విదేశేయులు

నేర్చుకోవటానికి మన యోగ ద్యాన వేదాంత విలువలు

మనకు తెలియటము లేదు ఆ విద్య విలువ...

ఉపయోగించుకోలేకపోతున్నాము ఆ అసామాన్య కానుక..

ఏది నిజమో తెలుసుకొనే శక్తి నశించిపోతుంది...

ఏలా బ్రతకాలో యోచించే యుక్తి తరగిపోతుంది...

పాశ్చాత్య పోకడలపై మోజులు....

ఈ దేశ భవిష్యత్తు పై ముసురుతున్న నీలినీడలు..

అనవసరమైన కోరికలతో కోరితెచ్చుకొనే కష్టాలు

ఎంత సంపాదించినా ఇంకా ఇంకా కావాలనే అలోచనలు...

ఇకనైనా తెలుసుకోవాలి మనం....

నాయకులమై నడిపించాలి మనం...

సామాజిక స్రుహకావాలి... బాధ్యతెరిగి బ్రతకాలి...

కళలు ఉట్టిపడే కనులు మిరిమిట్లు గొలిపే కట్టడాలు....

సంబ్రమాస్చర్యాలకు లోనౌతున్నారు వాటిని చుసిన యాత్రికులు...

వట్టిచేతులతో నిర్మించారు మన తాత ముత్తాతలు...

ప్రతి కట్టడం నిరంతరశ్రమ పట్టుదల త్యాగాల ఫలితం..

మనమే నిలబెట్టాలి వారి పేరు ప్రతిష్ట...

నిరూపించాలి మనం ఈ దేశ ఘనాఘనా పటిమ...

ఈ దేశములో లేనిది లేదు....మన మానసిక ద్రుడత్వము తప్ప...

మనకు వేరొక కర్తవ్యము లేదు...భారతదేశ సమగ్రాభివ్రుద్ది తప్ప.....

దురలవాట్లను జయించు....నాయకత్వము వహించు.....

భారతీయుల పరివర్తనకు ఉపక్రమించు...

ఈ పవిత్రభూమిలో జన్మించినందుకు నీ మాత్రుభూమి ఋణం చెల్లించు...

                                         ------ప్రభాకర రావు కోటపాటి

సామాజిక మహా పాపములు

నియమ నిష్టలు లేని రాజకీయాలు, మానవత లేని శాస్త్ర విజ్ఞానము, అంతఃకరణ (స్పృహ ) లేని ఆనందం, త్యాగము లేని పూజ, నీతి లేని వ్యాపారం, పని లేని సంపద, శీలము లేని విద్య సామాజిక మహా పాపములు

                                                                                                                      - మహాత్మాగాంధీ.

పరిరక్షించు పర్యావరణాన్ని

పరిరక్షించు పర్యావరణాన్ని

సూర్య రశ్మిని సుందర పుష్పంగా మార్చే శక్తి
భూగర్భంలో అనంత లోహ సంపద దాచే యుక్తి
సముద్ర జలాలలో సమస్త జీవరాశులను పెంచేశక్తి
జంతువుల క్రమాన్ని క్రమభధంగా మార్చే స్పూర్తి
అదే ప్రకృతి శక్తి! అదే మహాశక్తి!
అనుకరించగలమా ఆ వెలకట్ట లేని సంపదను
అడ్డుకోగలమా ఆ పసికట్టలేని ఇంద్రజాలన్ని
ఎంతటి అదృష్టవంతులం మనం ఈ ప్రకృతి మాత బిడ్డలమైనందుకు
ఎంతటి ఆస్తి పరులం మనం ఈ దివ్య సంపద మన సొంతమైనందుకు
ఒక చిన్న విత్తనమునుండి మహావృక్షం పుడుతుంది
ఒక చెట్టు కదలిక నుండి వర్షజాలం ద్రవిస్తుంది
కోయిలకు తీయనిగొంతు నెమలికి అందమైన ఈకలు
జిమ్కకు అందమైన చర్మం ఏనుగుకు విలువైన దంతాలు
హంసకు నాజూకైన నడక చిలుకకి ముద్డులొలికే పలుకులు
కుక్కకు సడలని విశ్వాసం ఆవుకి అనంతమ్ ఆకర్షణలు
ఆకు ఆకుకి వైవిద్యం పూవు పూవుకి వినూత్న సుగందం
తీగ తీగకి సాగిపొయే శక్తి కాయ కాయకి రూచికరమైన ఆహారం


సౌకర్యం పేరుతో సంక్షోభం సృష్టిస్తున్నాం మనం
నాగరికత పేరుతో నాశనం చేస్తున్నాం మనం
ఇకనైనా గుర్తిధ్దాం మన ప్రకృతి అంతర్గత శక్తులను
ఇకనైనా ప్రయత్నిద్దాం మన పర్యావరణ పరిరక్షణ కొరకు

కావాలి భలోపేతం నాభారత ఖండం

కావాలి భలోపేతం నాభారత ఖండం

సనాతన ధర్మాలను సంస్కరించే సత్పురుషులతో

సంగీత సాహిత్యాలను సాధనచేసే సంతుష్టులతో

ప్రకృతి పరిరక్షణపాటించే ప్రయోజకులతో

విఙ్ఞన శాస్త్ర రహస్యాలను విస్రృతపరిచే విఙ్ఞలతో

మతసామరస్యాలను మనుగడ కలిగించే మహానాయకులతో
ఆరోగ్యకర ఆహారపదార్ధాలను ఆరగించే ఆనంద స్వరూపులతో
మానవత్వ సేవలను మహిమాన్వితపరిచే మహత్ములతో
అభివృధ్ధి పధకాలను అనవతము అమలుచేసే అధికారులతో
పేదరిక కారకాలను పెకళించివేసే పాలకులతో
నీతి నిజాయితీలను నిరంతరము పాటించే నరులతో
విధ్యా భుధ్ధులను వినయముతో నేర్చుకొనే విధ్యార్ధులతో
ప్రశాంత పరిస్ధితులను ప్రేమించి నిలపెట్టే ప్రజలతో
సస్యశ్యామల భూములను సంరక్షించే సాదుస్వభావులతో
క్రీడా విజయ సామర్ధ్యాలను కలగివుండే క్రాంతికారులతో
కుటుంభవిలువలను కాపాడి నడిపే క్రమశిక్షణామూర్తలతో
లలితకళను హస్యపరిచే లక్షణ విశారథులతో
నాధైవమా ఆశీర్వదించు నాభారతావనిని
నీదయతో కావాలి భలోపేతం నాభారతఖండము



                                 ------ప్రభాకర రావు కోటపాటి

ఈ అందమైన ప్రక్రుతిని స్రుజించిన దైవమా....రక్షించు ఈ ప్రజలను.... తెరిపించు వీరి జ్ఞాన నేత్రాలను....

ఈ అందమైన ప్రక్రుతిని స్రుజించిన దైవమా....రక్షించు ఈ ప్రజలను.... తెరిపించు వీరి జ్ఞాన నేత్రాలను....

బాత్రూంలో బంగారు తొడుగులతో బడాబాబులు

పొట్టకూటికి పరుగులెత్తే అద్రుష్టరహిత అభాగ్యులు

అనంతమైన ఆహారపదార్దాలతో జబ్బులు తెచ్చుకొనే దనవంతులు

దారిద్ర్యంలో దహించుకుపోయి మద్యం మత్తులో సేదతీరే శ్రామికులు

తల్లిదండ్రుల సంపాదనతో విచ్చలవిడిగా తిరిగే యువకులు

అవకాశాలులేక అణగారిపోయి అనాధలుగా పెరిగే నిరాశాజీవులు

దనమధముతో దురలవాట్లతో దేశాన్ని పీడించే దుష్టులు

దారిద్ర్యముతో దారితప్పి దొంగలుగా మారే దైన్యజీవులు

మతం పేరుతో మారణహోమం సాగించే దుర్మార్గులు

మనుగడలేక మ్రగ్గిపోతూ మార్గం కానరాని మౌనరోధకులు

విశ్రుంఖల విహారాలను వినోదాలుగా భావించే మేధావులు

వినిపించుకొనేవారు లేక పరి పరి విధాలుగా విలపించే విగతజీవులు

రకరకాల యుక్తులతో కుయుక్తులతో లాబాలు సంపాదించే వ్యాపారులు

సమస్త ఆస్తులను పెట్టుబడిగా పెట్టి అకాలవర్షాలతో అలమటించే రైతులు

లంచగొండితనంతో రాజకీయాన్ని వ్యాపారంగా మార్చిన నాయకులు

వర్గాలుగా కులాలుగా చీలి అనవసర పొరాటాలతో త్రుప్తిచెందే పౌరులు

అధికాహారముతో శారీరకశ్రమలేక యంత్రాలుగా మారే ఉద్యోగులు

చుట్ట బీడీ సిగిరెట్టు మధ్యాలతో జబ్బులు తెచ్చుకొనే కార్మికులు

నాగరికత పేరుతో వ్యర్దపదార్దాలతో ప్రక్రుతిని పాడుచేసే ప్రభుద్దులు

ఆహారంకోసం చెత్తకుండిలో ప్లాస్టిక్ సంచులు ఏరుకొనే మందభాగ్యులు

దూరదర్శిని సినిమాలు క్రికెట్ ప్రసారాలతో కాలాన్ని వ్రుధాచేసే విద్యార్దులు

నైపుణ్యంకానరాక ఉద్యోగులవేటలో ఇంటర్యూలు చేస్తూ ఊర్లుతిరిగే కంపెనీలు

దనసంపాదనే జీవితము అనే భ్రమలో బ్రతికే విద్యావేత్తలు

ఎవరో వస్తారని ఏదోచేస్తారని ఎదురుచూసే సామాన్యప్రజలు

ప్రేమపేరుతో యాసిడ్లతో కత్తులతో పరమదుర్మార్గంగా దాడులుచేసే మధించినమ్రుగాలు

జీవితాన్ని అర్దముచేసుకోలేక మార్గాలను చూడలేక ఆత్మహత్యలకు పాల్పడే నిస్రుహపరులు

విలపిస్తోంది నా హ్రుదయం,ఉప్పెనవుతుంది నాఊపిరి

మదనపడుతుంది నా మనస్సు, బిగుసుకుంటుంది నా పిడికిలి

రగులుతుంది నా రుధిరం, కదిలిసాగుతుంది నా కన్నీరు

ప్రార్దిస్థున్నాను నా చేతులెత్తి

ఈ అందమైన ప్రక్రుతిని స్రుజించిన దైవమా....

రక్షించు ఈ ప్రజలను.... తెరిపించు వీరి జ్ఞాన నేత్రాలను....

                                         ------ప్రభాకర రావు కోటపాటి